هرات کې د ۴۰ ورزشکارانو ترمنځ د نیوفول کانتاکت سیالۍ ترسره شوې
د هرات ولایت د بدني روزنې او ورزش ریاست اړوند د نیوفول کانتاکت فدراسیون د استازولۍ له لوري د یاد ولایت ښار په میهن ورزشي جمنازیوم کې د ۴۰ ورزشکارانو ترمنځ د نیوفول کانتاکت سیالۍ ترسره شوې.
دغه سیالۍ د تنکیوځوانانو، نویوځوانانو، ځوانانو او د مشرانو ورزشکارانو په عمري کټګوریو او بېلا بېلو وزني کټګوریو کې ترسره شوې، چې په پایله کې ۲۰ تنو ورزشکارانو خپلو سیالانو ته په ماتې ورکولو سره بریاوې خپلې کړې.
د یادو سیالیو موخه د نیوفول کانتاکت سیالیو ته وده ورکول و، چې یوه ورځ یې دوام وکړ.
د سیالیو په پای کې غوره ورزشکارانو ته مډالونه او د اتلولۍ حکمونه ورکړل شول.
