هرات کې د ۱۸۰ ورزشکارانو ترمنځ د ای ټي اف تکواندو ټاکنیزې سیالۍ وشوې
د هرات ولایت د بدني روزنې او ورزش ریاست اړوند د تکواندو ملي فدراسیون د استازولۍ له لوري د یاد ولایت په مرکز کې د ۱۸۰ ورزشکارانو ترمنځ د ای ټي اف تکواندو اوه څلوېښتم پړاو ټاکنیزې سیالۍ وشوې.
په دغو سیالیو کې له ۱۱ ورزشي کلبونو د ۱۸۰ ورزشکارانو په تنکیو ځوانانو، نویو ځوانانو، ځوانانو او د لویانو ورزشکارانو په عمري کټګویو کې ګډون کړی وو، چې په پایله کې ۱۵ ورزشکاران د یاد ولایت د ای ټي اف تکواندو منتخبې لوبډلې ته وټاکل شول.
د یادو سیالیو موخه د یاد ولایت ای ټي اف تکواندو منتخبې لوبډلې ته د ورزشکارانو ټاکل و، چې یوه ورځ یې دوام وکړ.
