هرات کې د فوټبال اتلانو لیګ پر دوام نن دوې سیالۍ ترسره شوې
د افغانستان د فوټبال اتلانو لیګ چې اووه اوونۍ مخکې د هرات ولایت په ورزشي سټدیوم کې د ١٢ لوبډلو ترمنځ پیل شوی دی، نن چهارشنبه پکې دوې سیالې ترسره شوې.
د دغو سیالیو د نن ورځې په لومړۍ لوبه کې استقلال کابل لوبډلې د ٢/٠ ګولونو په توپیر خپلې سیالې سرسبز یاشلر لوبډلې ته او په دویمه لوبه کې ابو مسلم فراه لوبډلې د ٨/٠ ګولونو په توپیر عدالت فراه لوبډلې ته ماتې ورکړه.
ټاکل شوې چې سبا به هم د دغه لیګ په لړ کې دوې سیالۍ ترسره شي.
