هرات؛ مرکز کې د ۶۰ ورزشکارانو ترمنځ د ووینام سیالۍ ترسره شوې
د هرات ولایت د بدني روزنې او ورزش ریاست اړوند د ووینام فدراسیون د استازولۍ له لوري د یاد ریاست په ورزشي جمنازیوم کې د ۶۰ ورزشکارانو ترمنځ د تنکیو ځوانانو، ځوانانو او لویو ورزشکارانو په عمري کټګورۍ کې د ووینام دوستانه سیالۍ ترسره شوې.
د یادو سیالیو موخه د ووینام ورزش ته وده ورکول و.
د سیالیو په پای کې د ورزش مسوولینو له لوري غوره لوبغاړو ته مډالونه او د اتلولۍ حکمونه ورکړل شوه.
