هرات؛ درخشان مانا لوبډلې د جوانان بسکټبال ټاکنیزې سیالیو اتلولي خپله کړه
د هرات ولایت د بسکټبال فدراسیون د استازولۍ له لوري یاد ولایت کې د پنځو لوبډلو ترمنځ د جوانان بسکټبال سیالۍ د درخشان مانا لوبډلې په اتلولۍ پای ته ورسېدې.
دغو سیالیو، چې پنځه ورځې یې دوام وکړ، په پایله کې درخشان مانا لوبډلې لومړی، سرخ پوشان لوبډلې دویم او اریا لوبډلې درېیم مقام ترلاسه کړ.
په دغو سیالیو کې محمد اسماعیل ایوبي له سرخ پوشان لوبډلې غوره شوټر او پیمان نوري له درخشان مانا لوبډلې غوره لوبغاړی وټاکل شو.
د یادو سیالیو موخه هرات ولایت منتخبې لوبډلې ته د لسو غوره لوبغاړو موندل دي.
