هرات؛ انجيل ولسوالۍ کې د ۱۰ لوبډلو ترمنځ د فوټبال لومړی درجه ليګ سيالۍ پای ته ورسېدې
د هرات ولايت د بدني روزنې او ورزش رياست اړوند د فوټبال ملي فدراسيون د استازولۍ له لوري د ياد ولايت د انجيل ولسوالۍ د ملدان کلي په فوټبال چمن کې د ۱۰ لوبډلو ترمنځ د فوټبال لومړی درجه ليګ سيالۍ پای ته ورسېدې.
دغه سيالۍ د ليګ په ډول ترسره شوې، چې په پايله کې جغرتان لوبډلې د زياتو امتيازونو په ترلاسه کولو سره لومړی او متحد رزشک لوبډلې بیا دويم مقام خپل کړ.
د يادو سياليو موخه د فوټبال لوبو ته وده ورکول، د لوبډلو ترمنځ همغږي رامنځته کول او د غوره لوبغاړو موندل و، چې دوې مياشتې يې دوام وکړ.
