نیمروز ولایت کې له دولتي ادارو ۱۴ لوبډلو ترمنځ د فوټسال سیالۍ ترسره شوې
د نیمروز ولایت د بدني روزنې او ورزش امریت اړوند د فوټبال فدراسیون او د فوټسال کمېټې له لوري د یاد ولایت په زرنج ښار کې د دولتي ادارو ۱۴ لوبډلو ترمنځ د فوټسال سیالۍ ترسره شوې.
د دغو سیالیو لومړۍ لوبه د مستوفیت او پوهنتون لوبډلو ترمنځ ترسره شوه، چې په پایله کې مستوفیت لوبډلې خپلې سیالې لوبډلې ته د ۳/۰ ګولونو په توپیر ماتې ورکړه او سیالي یې خپله کړه.
د یادو سیالیو موخه فوټسال ورزش ته وده ورکول او د فوټسال لیگ ته د غوره لوبغاړو موندل دي.
