نیمروز ولایت کې د اتو لوبډلو ترمنځ د فوټسال پنځم پړاو سیالۍ د المجد لوبډلې په اتلولۍ پای ته ورسېدې
د نیمروز ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په زرنج ښار کې د اتو لوبډلو ترمنځ د ش ه ی د مولانا صلاح الدین موحد په نوم د فوټسال پنځم پړاو سیالۍ د المجد لوبډلې په اتلولۍ پای ته ورسېدې.
د دغو سیالیو پایلوبه د المجد او میهن لوبډلو ترمنځ ترسره شوه، چې په پایله کې مساوي پای ته ورسېده؛.خو المجد لوبډلې د پنالټي شوټ په وهلو سره خپلې سیالې لوبډلې ته د ۳/۲ ګولونو په توپیر ماتې ورکړه او اتلولي یې خپله کړه.
د یادو سیالیو موخه د دیني مدرسو ورزش ته وده ورکول او د ځوانانو ترمنځ یووالی و.
په پای کې غوره لوبډلې ته د اتلولۍ کپ او غوره لوبغاړو ته چمتو شوې جایزې ورکړل شوې.
