نیمروز ؛ چخانسور ولسوالۍ کې د شپږو لوبډلو ترمنځ د فوټسال جام سیالۍ پيل شوې
د نیمروز ولایت د بدني روزنې او روزش امریت اړوند د فوټبال ملي فدراسیون د استازولۍ له لوري د یاد ولایت په چخانسور ولسوالۍ کې د ظهیرالدین مکتب شپږو لوبډلو ترمنځ د فوټسال سیالۍ پيل شوې.
د دغو سیالیو په لومړۍ لوبه کې نهم ټولګي لوبډلې خپلې سیالې لسم ټولګي لوبډلې ته د ۲/۰ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د فوټسال ورزش ته وده ورکول او د یاد مکتب منتخبې لوبډلې ته د غوره لوبغاړو موندل دي، چې درې ورځې به دوام وکړي.
