نورستان؛ مرکز پارون ښار کې د ۱۰ لوبډلو ترمنځ د ټېپ بال کرېکټ سيالۍ پيل شوې
د نورستان ولايت د بدني روزنې او ورزش امريت اړوند د ټېپ بال کرېکټ ملي فدراسيون د استازولۍ له لوري د ياد ولايت په مرکز پارون ښار کې د ۱۰ لوبډلو ترمنځ د ټېپ بال کرېکټ سيالۍ پيل شوې.
د دغو سياليو په لومړۍ لوبه کې کامديش ولسوالۍ لوبډلې په ټاکلو ۱۰ اورونو کې د ټولو لوبغاړو په سوځېدو سره ۱۰۶ منډو هدف وټاکه په مقابل کې وانټ ولسوالۍ لوبډلې ياد هدف پوره نه کړ او لوبه د ۱۱ منډو په توپير کامديش لوبډلې وګټله.
د يادو سياليو موخه د ټېپ بال کرېکټ ته وده ورکول او ورزش ته د ځوانانو هڅول دي، چې ۱۵ ورځې به دوام وکړي.
