ننگرهار کې د ۴۰ لوبډلو ترمنځ د رمضان جام په نوم د ټېپ بال کرېکټ سيالۍ پيل شوې
د ننگرهار ولايت د بدني روزنې او ورزش رياست په همکارۍ د مرکز جلال اباد ښار په سراج العمارت بڼ کې ۴۰ لوبډلو ترمنځ د ښاريانو لپاره د سالمې تفريح برابرولو په موخه د رمضان جام په نوم د ټېپ بال کرېکټ سيالۍ پيل شوې.
د يادو سياليو لومړنۍ لوبه د سرحد تره خېل کلب او زاخېلوال کلب لوبډلو ترمنځ ترسره شوه، چې په پايله کې د باران د اورښت له امله مساوي پای ته ورسېده.
د ويلو ده، چې دغه سيالۍ به شاوخوا يوه مياشت دوام وکړي.
