ننگرهار کې د ۲۴ ورزشکارانو ترمنځ د سوک وهنې ټاکنيزې سيالۍ وشوې
د ننگرهار ولايت د بدني روزنې او ورزش رياست اړوند د سوک وهنې فدراسيون د استازولۍ له لوري د جلال اباد ښار په پنځمې ناحيې جمنازيوم کې د ۲۴ ورزشکارانو ترمنځ د نويو ځوانانو منتخبې لوبډلې ته غوره ورزشکارانو ټاکلو په موخه د سوک وهنې ټاکنيزې سيالۍ وشوې.
د دغو سیالیو په پايله کې ۷ تنو ورزشکارانو د ننگرهار د نويو ځوانانو منتخبې لوبډلې ته وټاکل شول، چې په راتلونکي کې به د ياد ولايت په استازولۍ ملي سياليو کې لوبېږي.
د ويلو وړ ده، چې يادو سياليو يوه ورځ دوام وکړ او په پای کې گټونکو ورزشکارانو ته مډالونه او ستاينليکونه ورکړل شول.
