ننگرهار کې د ۲۴ لوبډلو ترمنځ د واليبال سيالۍ پای ته ورسېدې
د ننگرهار ولايت د بدني روزنې او ورزش رياست اړوند د واليبال فدراسيون د استازولۍ له لوري د مرکز جلال آباد ښار په سراج العمارت بڼ کې د څلورو ولايتونو د ۲۴ لوبدلو ترمنځ د روژې مبارکې میاشتې د ښه راغلاست په نوم د واليبال سيالۍ د خراسان پوهنتون لوبډلې په اتلولۍ پای ته ورسېدې.
په يادو سياليو کې له کاپيسا، کونړ، لغمان او ننگرهار ولايتونو څخه لوبډلو گډون کړی وو، چې په پايلوبه کې خراسان پوهنتون لوبډلې خپلې سيالې اتحاد لوبډلې ته د ۳ پر صفر ميدانونو په توپير ماتې ورکړه او اتلولي يې په خپل نوم کړه.
د يادولو وړ ده، چې دغو سياليو پنځه ورځې دوام وکړ او په پای کې اتلې لوبډلې ته د اتلولۍ جام ورکړل شو.
