ننگرهار؛ پچيراگام ولسوالۍ کې د ۱۶ لوبډلو ترمنځ د واليبال سيالۍ پيل شوې
د ننگرهار ولايت د بدني روزنې او ورزش رياست په همغږۍ او د افغان بېسيم مخابراتي شرکت په مالي ملاتړ د ياد ولايت په پچيراگام ولسوالۍ کې د ۱۶ لوبډلو ترمنځ د واليبال سيالۍ د بهسودو لوبډلې په بريا پيل شوې.
د يادو سياليو په لومړنۍ لوبه کې بهسودو لوبډلې سيالې پچيراگام لوبډلې ته ۰/۲ ميدان په توپير ماتې ورکړه او بريا يې خپله کړه.
دغه سيالۍ، چې د هېواد د بيارغونې په موخه پيل شوې دي، شاوخوا لس ورځې به دوام وکړي.
