ننگرهار؛ په ښېوې ولسوالۍ کې د ۱۶ لوبډلو ترمنځ د ټېپ بال کرکټ سيالۍ پيل شوې
د ننگرهار ولايت د بدني روزنې او سپورټ رياست په همغږۍ د ياد ولايت په ښېوې ولسوالۍ کې د ۱۶ لوبډلو ترمنځ له اوسني نظام څخه د ملاتړ په موخه د ټېپ بال کرکټ سيالۍ د شامل لوبډلې په بريا پيل شوې.
د يادو سياليو لومړۍ لوبه د شامل او شگې لوبډلو ترمنځ ترسره شوه، شامل لوبډلې د لوبې پچې په گټلو سره په ټاکلو اتو اورونو کې سيالې لوبډلې ته د ۱۲۱ منډو هدف کېښود، شگې لوبډلې ياد هدف ترلاسه نه کړ او د ۴۴ منډو په توپير يې ماته ومنله.
د يادونې وړ ده، چې د دغو سياليو اتلې لوبډلې ته به يو عراده سپورټي بايسکل د انعام په توگه ورکړل شي.
