ننگرهار؛ په لعلپورې ولسوالۍ کې د ۳۴ لوبډلو ترمنځ د واليبال سيالۍ پيل شوې
د ننگرهار ولايت د بدني روزنې او سپورټ رياست اړوند د واليبال فدراسيون د استازولۍ له لوري د ياد ولايت په لعلپورې ولسوالۍ کې د ۳۴ لوبډلو ترمنځ د ااا له نظام څخه ملاتړ په موخه د واليبال سيالۍ پيل شوې.
د يادو سياليو په لومړۍ لوبه کې باسول منتخبې لوبډلې خپلې سيالې گرداوي منتخبې لوبډلې ته د ۲ پر ۱ ميدانونو په توپير ماتې ورکړه او بريا يې په خپل نوم کړه.
د ويلو وړ ده، چې دغه سيالۍ به شاوخوا يوه مياشت دوام وکړي.
