ننگرهار؛ په روداتو ولسوالۍ کې د ۱۶ لوبډلو ترمنځ د ټېپ بال کرکټ سيالۍ پيل شوې
د ننگرهار ولايت د بدني روزنې او ورزش رياست په همغږۍ د ياد ولايت په روداتو ولسوالۍ کې د ۱۶ لوبډلو ترمنځ د هېواد بيارغونې په موخه د ټېپ بال کرکټ سيالۍ د ملنگ لوبډلې په بريا پيل شوې.
د يادو سياليو لومړۍ لوبه د ملنگ او عرفان لوبډلو ترمنځ ترسره شوه، عرفان لوبډلې د لوبې پچې په گټلو سره په ټاکلو لسو اورونو کې سيالې لوبډلې ته د ۱۱۱ منډو هدف کېښود، ملنگ لوبډلې ياد هدف په اووم اور کې ترلاسه کړ او د شپږو ويکټو په توپير يې بريا خپله کړه.
يادونې وړ ده، چې دغه سيالۍ به شاوخوا ۱۵ ورځې دوام وکړي.
