ننگرهار؛ په دره نور ولسوالۍ کې د شپږو لوبډلو ترمنځ د بونتا ټېب بال کرکټ غوره ليگ څلورم پړاو سيالۍ پيل شوې
د ننگرهار ولايت د بدني روزنې او ورزش رياست په همغږۍ د دره نور ولسوالۍ په قلعه شاهي کلي کې د شپږو لوبډلو ترمنځ د بونتا ټېب بال کرکټ غوره ليگ څلورم پړاو سيالۍ د قلعه شاهي اتلانو لوبډلې په بريا پيل شوې.
د يادو سياليو لومړۍ لوبه د قلعه شاهي اتلانو او قلعه شاهي زمریانو لوبډلو ترمنځ ترسره شوه، قلعه شاهي زمریانو لوبډلې د لوبې پچې په گټلو سره په ټاکلو اتو اورونو کې د شپږو لوبغاړو په سوځېدو سره سیالې لوبډلې ته ۱۰۶ منډو هدف کېښود، قلعه شاهي اتلانو لوبډلې ياد هدف په اووم اور کې ترلاسه کړ او د دوو ويکټو په توپير يې بريا خپله کړه.
د دغو سياليو د ترسره کېدو موخه د ځوانانو ترمنځ يووالی او له ااا نظام څخه ملاتړ ښودل شوی، چې شاوخوا ۲۰ ورځې به دوام وکړي.
