ننگرهار؛ هسکې مېنې ولسوالۍ کې د ۳۰ لوبډلو ترمنځ د ټېپ بال کرېکټ سيالۍ پای ته ورسېدې
د ننگرهار ولايت د بدني روزنې او ورزش رياست اړوند د ټېپ بال کرېکټ فدراسيون د استازولۍ له لوري د ياد ولايت په هسکې مېنې ولسوالۍ کې د ۳۰ لوبډلو ترمنځ د ټېپ بال کرېکټ سيالۍ، چې يوه مياشت مخکې پيل شوې وې د مدثر آرمان لوبډلې په اتلولۍ پای ته ورسېدې.
د دغو سياليو پايلوبه د مدثر آرمان او سادات لوبډلو ترمنځ ترسره شوه. د لوبې پچه سادات لوبډلې وگټله او لومړی يې د توپ وهنې پرېکړه وکړه، چې په ټاکلو لسو اورونو کې يې د پنځو لوبغاړو په سوځېدو سره سيالې لوبډلې ته د ۱۷۲ منډو هدف وټاکه، په مقابل مدثر آرمان لوبډلې ياد هدف د لوبې په نهم اور کې ترلاسه کړ او د څلورو ویکټو په توپير يې اتلولي وگټله.
د ويلو وړ ده، چې د دغو سياليو موخه د ااا له نظام څخه ملاتړ و او په پای کې اتلې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
