ننگرهار؛ هزارناو سوپر سټارز لوبډلې د مينې او يووالي په نوم د ټېپ بال کرکټ سياليو اتلولي وگټله
د ننگرهار ولايت د بدني روزنې او ورزش رياست په همغږۍ د مومندرې ولسوالۍ په هزارناو سيمه کې د ۲۵ لوبډلو ترمنځ د مينې او يووالي په نوم د ټېپ بال کرکټ سيالۍ د هزارناو سوپر سټارز لوبډلې په اتلولۍ پای ته ورسېدې.
د يادو سياليو پايلوبه د هزارناو سوپر سټارز او باور خان اتلانو لوبډلو ترمنځ ترسره شوه، باور خان اتلانو لوبډلې د لوبې پچې په گټلو سره په ټاکلو لسو اورونو کې د شپږو لوبغاړو په سوځېدو سره سیالې لوبډلې ته د ۷۲ منډو هدف کېښود، هزارناو سوپر سټارز لوبډلې ياد هدف په پنځم اور ترلاسه کړ او د اوو ويکټو په توپير يې بريا خپله کړه.
د يادونې وړ ده، چې دغو سياليو شاوخوا ۲۰ ورځې دوام وکړ او په پای کې اتلې لوبډلې ته د اتلولۍ جام ورکړل شو.
