ننگرهار؛ شينوارو منتخبې لوبډلې د يووالي او بيارغونې په نوم د واليبال سياليو اتلولي وگټله
د ننگرهار ولايت د بدني روزنې او ورزش رياست اړوند د شينوارو شپږگونو ولسواليو ورزشي مديريت له لوري په شينوارو ولسوالۍ کې د ۳۴ لوبډلو ترمنځ د يووالي او بيارغونې په نوم د واليبال سيالۍ د شينوارو منتخبې لوبډلې په اتلولۍ پای ته ورسېدې.
د يادو سياليو په پايلوبه کې شينوارو منتخبې لوبډلې سيالې باسول منتخبې لوبډلې ته ۲/۳ ميدانونو په توپير ماتې ورکړه او اتلولي يې په خپل نوم کړه.
د يادونې وړ ده، چې دغو سياليو ۱۶ ورځې دوام وکړ او په پای کې اتلې لوبډلې ته د اتلولۍ جام ورکړل شو.
