ننگرهار؛ سپين غر ولسوالۍ کې د ۲۴ لوبډلو ترمنځ د ټېپ بال کرېکټ سيالۍ پای ورسېدې
د ننگرهار ولايت د بدني روزنې او ورزش رياست په همکارۍ د سپين غر ولسوالۍ په مامند سور قمر لوبغالي کې د ۲۴ لوبډلو ترمنځ د ااا له نظام څخه د ملاتړ په موخه د ټېپ بال کرېکټ سيالۍ، چې ۲۰ ورځې مخکې پيل شوې وې د سور قمر لېسې لوبډلې په اتلولۍ پای ته ورسېدې.
د يادو سياليو پايلوبه د سور قمر لېسې او مامند اتلانو لوبډلو ترمنځ ترسره شوه، سور قمر لېسې لوبډلې د لوبې پچه وگټله او لومړی يې د توپ وهنې پرېکړه وکړه، چې په ټاکلو لسو اورونو کې يې د اتو لوبغاړو په سوځیدو سره سيالې لوبډلې ته د ۱۲۴ منډو هدف ورکړ، په مقابل کې مامند اتلانو لوبډلې د ټولو لوبغاړو په سوځېدو سره ۸۰ منډې وکړې او لوبه يې د ۴۴ منډو په توپير وبايلله.
د يادونې وړ ده، چې د دغو سياليو په پای کې اتلې لوبډلې ته د اتلولۍ جام او غوره لوبغاړو ته چمتو شوې ډالۍ وکړل شوې.
