ننگرهار؛ سپين غر لوبډلې گډوالو ته د ښه غلاست په نوم د ټېپ بال کرکټ سياليو اتلولي وگټله
د ننگرهار ولايت د بدني روزنې او سپورټ رياست اړوند د شينوارو شپږگونو ولسواليو سپورټي مدیریت له لوري د دې ولايت په سپين غر ولسوالۍ کې د لسو لوبډلو ترمنځ گډوالو ته د ښه راغلاست په نوم د ټېپ بال کرکټ سيالۍ د سپين غر لوبډلې په اتلولۍ پای ته ورسېدې.
د يادو سياليو پايلوبه د سپين غر او اچين لوبډلو ترمنځ ترسره شوه، چې په پايله کې سپين غر لوبډلې په ټاکلو لسو اورونو کې د اووه لوبغاړو په سوځېدو سره سیالې لوبډلې ته د ۱۳۶ منډو هدف کېښود، اچين لوبډلې ياد هدف تر لاسه نه کړ او د ۱۶ منډو په توپير يې ماته ومنله.
د دغو سياليو په پای کې گټونکې لوبډلې ته د اتلولۍ جام ورکړل
شو.
