ننگرهار؛ سرخرود ولسوالۍ کې د ۱۵ لوبډلو ترمنځ د واليبال سيالۍ پای ته ورسېدې
د ننگرهار ولايت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په سرخرود ولسوالۍ کې د ۱۵ لوبډلو ترمنځ د واليبال سيالۍ د حاجي صاحبانو لوبډلې په اتلولۍ پای ته ورسېدې.
د يادو سياليو په پايلوبه کې حاجي صاحبانو لوبډلې خپلې سيالې قلعه نسيم خان لوبډلې ته د ۳-۰ ميدانونو په توپير ماتې ورکړه او اتلولي يې وگټله.
دا سيالۍ د سرخرود ولسوالۍ منتخبې لوبډلې ټاکلو په موخه وشوې، چې شاوخوا يوه مياشت يې دوام وکړ.
