ننگرهار؛ د شينوارو ايلون لوبډلې گډوالو ته د ښه راغلاست په نوم د ټېب بال کرکټ سياليو اتلولي وگټله
د ننگرهار ولايت د بدني روزنې او سپورټ رياست اړوند د ټېب بال فدراسيون د استازولۍ او د شينوارو شپږگونو ولسواليو ورزشي مديريت له لوري د دې ولايت په شينوارو ولسوالۍ کې د ۱۶ لوبډلو تر منځ گډوالو ته د ښه راغلاست په نوم د ټېب بال کرکټ سيالۍ د شينوارو ايلون لوبډلې په اتلولۍ پای ته ورسېدې.
د يادو سياليو پايلوبه د شينوارو ايلون او ۲۹ مې شاهين لوبډلو تر منځ ترسره شوه، چې په پايله کې ۲۹ مې شاهين لوبډلې، خپلې سیالې لوبډلې ته په ټاکلو لسو اورونو کې ۸۷ منډو هدف کېښود، شينوارو ايلون لوبډلې ياد هدف تر لاسه کړ او د ۸ ویکټو په توپیر يې اتلولي خپله کړه.
په پای کې گټونکې لوبډلې ته د اتلولۍ جام ورکړل شو.
