ننگرهار؛ جلال اباد ښار کې د ۵۵ جوړو ترمنځ د ووشو ساندا او سنداوانگ سيالۍ پيل شوې
د ننگرهار ولايت د بدني روزنې او سپورټ رياست اړوند د ووشو ملي فدراسيون د استازولۍ له لوري د پنځمې ناحیې په ورزشي جمنازيوم کې له ۱۲ ولايتونو د ۵۵ جوړو ترمنځ د ووشو ساندا او سنداوانگ سيالۍ پيل شوې.
په دغو سياليو کې د نورستان، لغمان، کابل، لوگر، غزني، باميان، پنجشېر، ميدان وردگ، کندهار، کونړ، خوست او کوربه ننگرهار لوبډلو گډون کړی، چې په درېيو کټګوريو نويو ځوانانو، ځوانانو او لويانو ورزشکارانو پکې برخه اخیستې ده.
د دغو سياليو د ترسره کېدو موخه د ورزشکارانو ترمنځ يووالی ښودل شوی دی، چې دوې ورځې به دوام وکړي.
د يادونې وړ ده، دا لومړی ځل دی، چې په ياد ولايت کې د هيواد په کچه د ولايتونو ترمنځ د ووشو ساندا او سنداوانگ سيالۍ تر سره کېږي.
