ننگرهار؛ جلال اباد ښار کې د څلورو لوبډلو تر منځ د هنډ بال سيالۍ پيل شوې
د ننگرهار ولايت د بدني روزنې او سپورټ رياست اړوند د هنډ بال فدراسيون د استازولۍ له لوري د جلال اباد ښار د شپږمې ناحيې اړوند په ورزشي جمنازيوم کې د څلورو لوبډلو تر منځ د هنډ بال سيالۍ د لغمان لوبډلې په بريا پيل شوې.
په دغو سياليو کې د کوربه ننگرهار، کونړ، لغمان او لوگر ولايتونو لوبډلو گډون کړی دی، چې لومړۍ لوبه د لغمان او لوگر لوبډلو تر منځ ترسره شوه، چې په پايله کې لغمان لوبډلې خپلې سيالې لوگر لوبډلې ته ۱۰/۱۲ گولونو په توپير ماتې ورکړه او بريا يې خپله کړه.
د يادو سياليو موخه د هنډبال لوبې وده ده، چې دوې ورځې به دوام وکړي.
