ننگرهار؛ جلال آباد ښار کې د ۸۰ ورزشکارانو ترمنځ د سوک وهنې سيالۍ وشوې
د ننگرهار ولايت د بدني روزنې او ورزش رياست اړوند د سوک وهنې فدراسيون د استازولۍ له لوري د مرکز جلال آباد ښار په معلم اول گل لوبغالي کې د ۸۰ ورزشکارانو ترمنځ د سوک وهنې سيالۍ وشوې.
په يادو سياليو کې ورزشکارانو د ماشومانو، نويو ځوانانو، ځوانانو او لويانو په عمري کټگوريو کې د يو بل پر وړاندې سيالۍ ترسره کړې، چې په پايله کې ۴۰ تنو خپلو سيالانو ته په ماتې ورکولو سره برياوې خپلې کړې.
ياده دې وي، چې دغو سياليو يوه ورځ دوام وکړ او په پای کې گټونکو ورزشکارانو ته ستاينليکونه ورکړل شول.
