ننگرهار؛ جلال آباد ښار کې د ۲۰۰ پهلوانانو ترمنځ د پهلوانۍ شپنۍ سيالۍ پيل شوې
د ننگرهار ولايت د بدني روزنې او ورزش رياست اړوند د پهلوانۍ ملي فدراسيون د استازولۍ له لوري د ياد ولايت په مرکز جلال آباد ښار کې د ۲۰۰ پهلوانانو ترمنځ ورزش ته د ځوانانو هڅولو او ښاريانو ته د يوې سالمې تفريح برابرولو په موخه د پهلوانۍ شپنۍ سيالۍ پيل شوې.
دغه سيالۍ به د نويو ځوانانو، ځوانانو او لويانو ورزشکارانو په عمري کټگوريو کې ترسره شي، چې په پايله کې به گټونکو پهلوانانو ته مډالونه او ستاينليکونه ورکړل شي.
د ويلو وړ ده، چې دغه سيالۍ به دوې شپې دوام وکړي.
