ننگرهار؛ آذرخش ښوونيز مرکز لوبډلې د ټېب بال کرکټ سياليو اتلولي وگټله
د ننګرهار ولايت د بدني روزنې او سپورټ رياست له خوا، په خوږياڼو ولسوالۍ کې د ۱۰ لوبډلو تر منځ د ټېب بال کرکټ سيالۍ د آذرخش ښوونيز مرکز لوبډلې په اتلولۍ پای ته ورسېدې
د يادو سياليو پايلوبه د آذرخش ښوونيز مرکز او خوارانو نرگس لوبډلو تر منځ ترسره شوه، چې د لوبې پچه خوارانو نرگس لوبډلې وگټله او لومړی يې د توپ وهنې پرېکړه وکړه، چې په ټاکلو ۱۰ اورنو کې د ۸ لوبغاړو په سوځېدو سره سیالې لوبډلې ته د ۷۰ منډو هدف ورکړ، آذرخش ښوونيز مرکز لوبډلې د ۱ لوبغاړي په سوځېدو سره ياد هدف پوره کړ او د يادو سياليو اتلولي يې په خپل نوم کړه.
هېره دې نۀ وي چې، دغه سياليو ۲۳ ورځې دوام وکړ، چې موخه يې د نظام څخه ملاتړ ښودل شوی و.
