ننګرهار کې شاه محمد پهلوان ګڼ په زړه پوري نمایشونه نندارې وړاندي کړل
د ننګرهار ولایت د بدني روزنې او ورزش ریاست په لارښوونه او همغږۍ د استاد شاه محمد پهلوان له لوري د یاد ولایت په سره رود ولسوالۍ کې بېلابېل په زړه پوري نمایشونه نندارې ته وړاندې شول.
په دې نمایشونو کې شاه محمد لوګري د ویښتانو په وسیله د موټر کشکول، د موټر مخه ډب کول، پر مېخونو څملاستل او پر خېټه او سینه د ډبرو ماتول؛ نندارې ته وښودل، چې موخه يې د ځوانانو هڅول او د هغوی لپاره د سالمې تفریح برابرول یاد شوي.
په یادو نمایشونو کې د سره رود ولسوال، امنیه قومندان د ملکي او نظامي بېلابېلو ادارو مسوولانو او د شاه محمود پهلوان ګڼو مینهوالو برخه اخیستي وه او ددې نمایشونو له کتلو یې خوښي څرګندوله.
د مراسمو په پای کې استاد شاه محمد پهلوان د ننګرهار ولایت د بدني روزنې او ورزش ریاست له لورې په کپ او ستاینلیک هم ونازول شو.
