ننګرهار کې د څلورو ولایتونو ترمنځ د فوټسال سیالۍ ترسره شوې
د ننګرهار ولایت د بدني روزنې او ورزش ریاست اړوند د فوټبال فدراسیون په همغږي د ځوانانو راډیو له لوري د یاد ولایت مرکز جلال آباد ښار کې د څلورو ولایتونو ترمنځ د فوټسال سیالۍ د لغمان ولایت په اتلولي پای ته ورسېدې.
په دغو سیالیو کې ننګرهار، کونړ، لغمان او نورستان ولایتونو ګډون کړی و، چې په پایله کې یې لغمان ولایت د ۵/۴ ګولونو په توپیر ننګرهار ولایت ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي او د دوی لپاره د سالمې تفرېح برابرولو په موخه ترسره شوې، چې یوه ورځ یې دوام وکړ.
