ننګرهار کې د ٣٠٠ ورزشکارانو ترمنځ د پهلواني سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د پهلواني فدراسیون د استازولي له لوري د ياد ولايت مرکز جلال آباد ښار کې د ٣٠٠ ورزشکارانو ترمنځ د پهلواني دوستانه سیالۍ پای ته ورسېدې.
په دغو سیالیو کې له ٤٠ کلبونو څخه د نویو ځوانانو، ځوانانو او مشرانو ورزشکارانو په عمري کټګوریو کې ورزشکارانو ګډون کړی و، چې په پایله کې یې ١٥٠ تنو خپلو سیالانو ته ماتې ورکړې او بریاوې يې خپلې کړې.
دا سیالۍ د ورزشکارانو لپاره د سالمې تفرېح برابرولو په موخه ترسره شوې، چې دوې ورځې یې دوام وکړ او په پای کې غوره ورزشکارانو ته مډالونه او ستاینلیکونه ورکړل شول.
