ننګرهار کې د شینوارو غوره لیګ د ټېپ بال کرکټ دویم پړاو سیالۍ پیل شوې
د ننګرهار ولایت د بدني روزنې او ریاست په همغږي د شینوارو ولسوالۍ د ورزشي مدیریت له لوري د یادې ولسوالۍ په شېرګړ سیمه کې د ۱۶ لوبډلو ترمنځ د ټېپ بال کرکټ دویم پړاو سیالۍ پیل شوې.
د یادو سیالیو لومړۍ لوبه د ختیځ ځوانانو او شېرګړ اتحاد لوبډلو ترمنځ تر سره شوه چې د ختیځ ځوانانو لوبډلې د پچې په ګټلو سره لومړی توپ وهنه وکړه او په ټاکلو لس اورونو کې یې د شپږو لوبغاړو په له لاسه ورکولو سره خپلې سیالې لوبډلې ته د ۱۸۰ منډو هدف وټاکه. د هدف په تعقیب کې د شېرګړ ځوانانو لوبډلې د اته ویکټو په زیان ۱۶۵ منډې وکړې او لوبه د ۱۴ منډو په توپیر د ختیځ ځوانانو لوبډلې په بریا پای ته ورسېده.
دغه سیالۍ د ځوانانو د تشویق او له نظام څخه د ملاتړ په موخه پیل شوي دي، چې ۲۰ ورځې به دوام وکړي.
