ننګرهار ؛ په سره رود ولسوالۍ کې د ۱۸ ورزشکارانو ترمنځ د لاس چپه کولو سيالۍ وشوې
د ننګرهار ولایت د بدني روزنې او ورزش رياست اړوند د ملي او دوديزو لوبو مدريت له لورې د ياد ولايت په سره رود ولسوالۍ کې د ۱۸ ورزشکارانو ترمنځ د لاس چپه کولو سيالۍ وشوې.
د دغو سياليو په پايله کې پوپل لومړی، جواد دوهم او زبير درېيم مقام ترلاسه کړ.
د يادو سياليو موخه د لاس چپه کولو ورزش ته وده ورکول وو، چې يوه ورځ يې دوام وکړ او په پای کې غوره ورزشکارانو ته مډالونه او ستاينليکونه ورکول شول.
