ننګرهار؛ کوټ ولسوالۍ کې د ۳۲ لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست له لوري د یاد ولایت په کوټ ولسوالۍ کې د ۳۲ لوبډلو ترمنځ د ټېپ بال کرېکټ سیالۍ د ایلیون سټارز لوبډلې په اتلولي پای ته ورسېدې.
د یادو سیالیو پایلوبه کې ایلیون سټارز لوبډلې له خپل ۱۲۹ منډو هدف څخه دفاع وکړه او د لسو منډو په توپیر یې خپلې سیالې سادات لاینز لوبډلې ته ماتې ورکړه او د دغو سیالیو اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه میاشت یې دوام وکړ.
