ننګرهار؛ ښېوې ولسوالۍ کې د ٢٣ لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت په ښېوې ولسوالۍ کې د ٢٣ لوبډلو ترمنځ د ټېپ بال کرېکټ سیالۍ د ښېوې مرکزي لوبډلې په اتلولي پای ته ورسېدې.
د یادو سیالیو پایلوبه د ښېوې مرکزي او دره نور کشمند لوبډلو ترمنځ ترسره شوه. د لوبې پچه ښېوې مرکزي لوبډلې وګټله او لومړی یې توپوهنه وکړه، چې په ټاکلو لسو کې یې د اتو ویکټو په زیان خپلې سیالې لوبډلې ته د ١۴۸ منډو هدف وټاکه. دره نور کشمند لوبډلې د هدف په تعقیب کې د نهو ویکټو په زيان ١٠٩ منډې وکړې او ٣٨ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې یوه میاشت یې دوام وکړ.
