ننګرهار؛ چپرهار ولسوالۍ د لسو لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت په چپرهار ولسوالۍ کې د لسو لوبډلو ترمنځ د ټېپ بال کرېکټ سیالۍ د فهیم ضيأ لوبډلې په اتلولي پای ته ورسېدې.
د یادو سیالیو پایلوبه د بهار ملکزي او فهیم ضیأ لوبډلو ترمنځ ترسره شوه. د لوبې پچه بهار ملکزي لوبډلې وګټله او لومړی یې توپ وهنه وکړه، چې په ټاکلو نهو اورونو کې یې د اوو ویکټو په زیان خپلې سیالې لوبډلې ته د ١٠٣ منډو هدف وټاکه. فهیم ضیأ لوبډلې ټاکلی هدف پرته له کوم زیان څخه د لوبې په شپږم اور کې ترلاسه کړ او د لسو ویکټو په توپیر یې د دغو سیالیو اتلولي وګټله.
دا سیالۍ ورزش ته د ځوانانو د هڅولو په موخه ترسره شوې، چې یوه میاشت یې دوام وکړ.
