ننګرهار؛ په ښېوه ولسوالۍ کې د کرکټ ټېپ بال منتخبې لوبډلې د غوراوي سیالۍ پيل شوې
د ننګرهار ولایت د بدني روزنې او ورزش ریاست په همکارۍ په کوز کونړ ښېوې ولسوالۍ کې د ٣٠ لوبډلو ترمنځ د ټېپ بال منتخبې لوبډلې د ټاکلو سيالۍ پيل شوې.
د دغو سياليو د پيل لوبه د سيد جمال الدین افغان لېسې او کشم بازانو لوبډلو ترمنځ وشوه، چې د لوبې پچه د سيد جمال الدین افغان لېسې لوبډلې وګټله او لومړى يې د توپوهنې پرېکړه، چې په ټاکلو لس اورونو کې يې د څلور لوبغاړو په سوځېدو سره ١٥٦ منډې وکړې.
په مقابل کې د کشم بازانو لوبډلې د شپږ لوبغاړو په سوځېدو سره ټولې ١١٥ منډې وکړې او لوبه يې د ٤٠ منډو په توپیر وبايلله.
د غه سيالۍ، چې ١٢ ورځې به دوام وکړي، موخه يې د ننګرهار ولايت د ټېپ بال منتخبې لوبډلې ټاکل دي.
ټاکل شوې د يادو سياليو پر دوام به راتلونکې لوبې د اتلانو او شتن سټار لوبډلو او دويمه لوبه به د کاشکونډ مرکزي او دربخېلو لوبډلو ترمنځ ترسره شي.
