ننګرهار؛ په چپرهار ولسوالۍ کې د والیبال داخلي سیالۍ د ګلشن اباد لوبډلې په بریا پای ته ورسېدې
د ننګرهار ولایت بدني روزنې او ورزش ریاست په مرسته د والیبال فدراسیون له لوري د ځوانانو د تشویق، د نظام ملاتړ او لاسته راوړنو په موخه د ۱۶ لوبډلو ترمنځ د والیبال داخلي سیالۍ، چې پنځه ورځې یې دوام وکړ، د ګلشن اباد لوبډلې په ګټه پای ته ورسېدې.
د دغو سیالیو په پایلوبه کې د ګلشن اباد لوبډلې د ۳-۰ میدانونو په توپیر شولاني لوبډلې ته ماتې ورکړه او د دې سیالیو اتلولیي يې وګټله.
په پای کې ګتونکې لوبډلې ته کپ او جایزې هم ورکړل شوې.
