ننګرهار؛ په پچيراگام ولسوالۍ کې د اتو لوبډلو ترمنځ د ټېپ بال کرکټ غوره ليگ سيالۍ پيل شوې
د ننگرهار ولايت د بدني روزنې او ورزش رياست په همکارۍ د ياد ولايت په پچيراگام ولسوالۍ کې د اتو لوبډلو ترمنځ د مينې او يووالي په موخه د ټېپ بال کرکټ غوره ليگ سيالۍ د عرفان لوبډلې په بريا پيل شوې.
دغه سیالۍ چې شاوخوا ۱۵ ورځې به دوام وکړي، لومړنۍ لوبه د احديار او عرفان لوبډلو ترمنځ ترسره شوه، چې عرفان لوبډلې د لوبې پچې په گټلو سره په ټاکلو لسو اورونو کې د شپږو لوبغاړو په سوځېدو سره سیالې لوبډلې ته د ۱۴۴ منډو هدف وټاکه، په مقابل کې احديار لوبډلې د پنځو لوبغاړو په سوځېدو سره يواځې ۱۲۳ منډې وکړې او لوبه يې د ۲۱ منډو په توپير وبايلله.
