ننګرهار؛ په شینوارو ولسوالۍ کې د ګلاهي چلنج کپ ټېپ بال کرکټ دوهم پړاو سیالۍ پیل شوې
د ننګرهار ولایت د بدني روزنې او ورزش ریاست اړوند د شينوارو ولسوالۍ ورزشي مديريت پۀ لارښونه د شلو لوبډلو تر منځ د ګلاهي چلنج کپ په نوم د ټېب بال کرکټ سيالۍ د یادې ولسوالۍ په ګلاهي کلي کې پیل شوې.
د دغو سیالیو لومړۍ لوبه د شینوارو اتلانو او کېنګ سټار لوبډلو ترمنځ ترسره په پایله کې کېنګ سټار لوبډلې خپلې سیالې لوبډلې ته په ټاکلو لسو اورونو کې ۱۲۵ منډو هدف وټاکه د شینوارو اتلانو لوبډلې یې په تعقیب کې د دریو لوبغاړو په سوځېدو ټاکل شوی هدف په نهم اور کې پوره کړ او سیالي یې په خپل نوم کړه.
د یادونې وړ ده، چې دغه سیالۍ به ۲۵ ورځې دوام وکړي.
