ننګرهار؛ په شیرزادو ولسوالۍ کې د ۲۰ لوبډلو ترمنځ د امن جام په نوم د ټيپ بال کرکټ سیالۍ پیل شوې
د ننګرهار ولايت د بدني روزنې او ورزش ریاست اړوند ټیپ بال کرکټ فدراسیون د استازولۍ له لوري په شیرزادو ولسوالۍ کې د امن جام په نوم د ۲۰ لوبډلو ترمنځ د ټیپ بال کرکټ سیالۍ پیل شوې.
دغه سيالۍ چې شل ورځې به دوام وکړي د پیل لوبه د بر اشفان او ایلون برادرز لوبډلو ترمنځ ترسره شوه، لومړی توپ وهنه ایلون برادرز لوبډلې وکړه او په ټاکلو ۱۰ اورونو کې يې سیالې لوبډلې ته د ۶ لوبغاړو په زيان ۱۶۴ منډې هدف کېښود، د لوبې په دويمه پاڼۍ کې بر اشفان لوبډلې یاد هدف د ۳ لوبغاړو په زیان پوره کړ او اوو ویکټو يې بريا خپله کړه.
