ننګرهار؛ په خوږیاڼو ولسوالۍ کې د ۱۲ لوبډلو ترمنځ د والیبال سیالي پیل شوې
د ننګرهار ولایت د بدني روزنې او ورزش ریاست په لارښوونه د والیبال فدراسیون له لوري د دې ولایت د خوږیاڼو ولسوالۍ په مملې تاریخي سیمه کې له نظام څخه د ملاتړ او د ځوانانو یووالي په موخه د ۱۲ لوبډلو ترمنځ د والیبال سیالۍ پیل شوې.
د دغو سیالیو د پیل په لوبه کې د خوږیاڼو اتفاق لوبډلې د ۲-۰ میدانونو په توپیر د سره رود حاجي عبدالواحد لوبډلې ته ماتې ورکړه.
دغه سیالۍ، چې ۱۵ ورځې به دوام وکړي، راتلونکې لوبه به یې د عوض خان او طوطو منتخبې لوبډلو ترمنځ وشي.
