ننګرهار؛ نازيانو لوبډلې د نازیانو ولسوالۍ د ټېپ بال کرکټ سيالیو اتلولي وګټله
د ننګرهار ولايت د بدني روزنې او سپورټ رياست لخوا او د شينوارو ولسوالۍ سپورټي مدیریت پۀ لارښوونې او همغږۍ په نازيانو ولسوالۍ کې د نظام په ملاتړ او د کتاب لوستنې د فرهنګ عامولو په موخه، د ټېب بال کرکټ سيالۍ چې څو ورځې مخکې د ۲۰ لوبډلو تر منځ پېل شوې وې، د نازیانو لوبډلې په اتلولۍ پای ته ورسېدې.
د دې سیالیو په پآی لوبه کې د نازيانو زلمي او شرافت سټارز لوبډلو تر منځ ترسره شوه، د سيالۍ پچه د شرافت سټارز لوبډلې وگټله او لومړی يې د توب وهنې پرېکړه وکړه، چې په ټاکلو ۱۰ اورونو کې د ټولو لوبغاړو په سوځېدو سره د ۸۱ منډو هدف مقابلې لوبډلې ته ورکړل، نازيانو زلمي لوبډلې ياد هدف په ۷ اورونو کې بشپړ کړل او د يادو سياليو اتلولي يې په خپل نوم کړه، چې په پای کې د سياليو غوره لوبغاړو ته کتابونه ورکړل شول.
د يادې سيالۍ په پایلوبه کې د شينوارو ولسوالۍ د سپورټ مدير، د ختېځ زون د سرحدي لېوا مسؤل، نظامي مسؤلينو، قومي مشرانو او د کرکټ لوبې گڼ شمېر مينوالو برخه اخيستې وه.
د يادونې وړ ده چې، د دې سياليو موخه د مطالعې فرهنګ عامول او ځوانان سپورټ ته هڅول و.
