ننګرهار؛ مومندرې ولسوالۍ کې د ۶۸ لوبډلو ترمنځ د ټېپ بال کرکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرکټ فدراسیون د استازولي له لوري د یاد ولایت په مومندرې ولسوالۍ کې د ۶۸ لوبډلو ترمنځ د ټېپ بال کرکټ سیالۍ د باسول شاهین لوبډلې په اتلولي پای ته ورسېدې.
د یادو سیالیو پایلوبه د باسول شاهین او هزارناو ایګل لوبډلو ترمنځ ترسره شوه. د لوبې پچه د باسول شاهین لوبډلې وګټله او لومړی یې د توپوهنې پرېکړه وکړه چې په ټاکلو اتو اورونو کې یې د پنځو لوبغاړو په له لاسه ورکولو سره خپلې سیالې لوبډلې ته د ۱۰۸ منډو هدف وټاکه. هزارناو لوبډلې د هدف په تعقیب کې ۱۰۱ منډې وکړې او سیالۍ یې د شپږو منډو په توپیر وبایلله.
یادو سیالیو چې ۲۵ ورځې دوام وکړ په پای کې یې اتلې لوبډلې ته لومړی درجه کپ او غوره لوبغاړو ته بېلابېلې ډالۍ ورکړل شوې.
