ننګرهار؛ مرکز جلال اباد ښار کې د ۴۰ ورزشکارانو ترمنځ د سوک وهنې سیالۍ ترسره شوې
د ننګرهار ولایت د بدني روزنې او ورزش ریاست اړوند د سوک وهنې فدراسیون د استازولۍ له لوري د یاد ولایت مرکز جلال اباد ښار په درېیمه ناحیه کې له شپږو کلبونو د ۴۰ ورزشکارانو ترمنځ د سوک وهنې سیالۍ ترسره شوې.
په دغو سیالیو کې د عرب وفا، ملکزاده، الفاء، صافي وفا، حیات ملکزاده او نظر اباد ځوانانو کلبونو ورزشکارانو ګډون کړی و، چې په پایله کې یې عرب وفا کلب په لسو بریاوو سره لومړی، ملکزاده کلب په اوو بریاوو سره دویم او الفا کلب په درېیوو بریاوو سره درېیم مقام خپل کړ.
دا سیالۍ د ورزشکارانو ترمنځ د مینې، یووالي او ورورولۍ په موخه ترسره شوې، چې یوه ورځ یې دوام وکړ او په پای کې غوره ورزشکارانو ته مډالونه او ستاینلیکونه ورکړل شول.
