ننګرهار؛ مرکز جلال آباد ښار کې د ۲۰ ورزشکارانو ترمنځ د بدن ښکلا نندارې ترسره شوې
د ننګرهار ولایت د بدني روزنې او ورزش ریاست اړوند د بدن ښکلا او فټنس فدراسیون د استازولۍ له لوري د یاد ولایت مرکز جلال آباد ښار کې د ۲۰ ورزشکارانو ترمنځ د بدن ښکلا نندارې ترسره شوې.
په دغو نندارو کې ګل شیر لومړی، نصرت الله دویم او یعقوب درېیم مقام خپل کړ.
دا نندارې د ځوانانو د هڅولو په موخه ترسره شوې، چې یوه ورځ یې دوام وکړ او په پای کې غوره ورزشکارانو ته مډالونه او ستاینلیکونه ورکړل شول.
