ننګرهار؛ لعلپورې ولسوالۍ کې د ۳۴ لوبډلو ترمنځ د والیبال سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په لعلپورې ولسوالۍ کې د ۳۴ لوبډلو ترمنځ د والیبال سیالۍ د کوټ مرکزي لوبډلې په اتلولۍ پای ته ورسېدې.
د یادو سیالیو پایلوبه د کوټ مرکزي او ګردي غوث لېسې لوبډلو ترمنځ ترسره شوه، چې په پایله کې یې کوټ مرکزي لوبډلې د ۱/۳ میدانونو په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ لرې پرتو سیمو ته د ورزش رسولو او ځوانانو د هڅولو په موخه ترسره شوې، چې ۲۰ ورځې یې دوام وکړ.
