ننګرهار؛ سپین غر ولسوالۍ کې د ۳۲ لوبډلو ترمنځ د ټېپ بال کرکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرکټ فدراسیون د استازولي له لوري د یاد ولایت په سپین غر ولسوالۍ کې د ۳۲ لوبډلو ترمنځ د ټېپ بال کرکټ سیالۍ د چهلګزي جانباز لوبډلې په اتلولي پای ته ورسېدې.
د یادو سیالیو پایلوبه د مهاجر او چهلګزي جانباز لوبډلو ترمنځ ترسره شوه. د لوبې پچه د مهاجر لوبډلې وګټله او د توپ وهنې پرېکړه یې وکړه، چې په ټاکلو شپږو اورونو کې یې د خپلو دوو لوبغاړو په له لاسه ورکولو سره خپلې سیالې لوبډلې ته ۸۹ منډو هدف وټاکه. چهلګزي جانباز لوبډلې یاد هدف د لوبې په وروستي اور کې ترلاسه کړ او د شپږو ویکټو په توپیر یې خپلې سیالې لوبډلې ته په ماتې ورکولو سره د یادو سیالیو اتلولي وګټله.
یادې سیالۍ هېواد ته د خدمت او د یووالي په موخه ترسره شوې چې ۳۲ ورځې یې دوام وکړ.
کابل، د بدني روزنې او ورزش ٢٥٠٠ کسیز ورزشي جمنازیوم